Մեր ծառայությունները
Ընկերությունն անընդհատ աշխատում է դոմենների հաշվեգրման և վճարման գործընթացի բարելավման, պարզեցման և արագացման ուղղություններով, ինչում կարող եք համոզվել` այցելելով մեր կայք
www.we.am,
www.abcdomain.am Ընկերության կայքում տեղադրված է հետևյալ տեղեկատվությունը՝
ա. քայլ առ քայլ ցուցում, թե ինչպես հաշվեգրել դոմենային անվանում և լրացնել հարցաթերթիկը, տիպային պայմանագիր (իրավաբանական անձանց համար),
բ. դոմենային անվանումների արժեքը ՀՀ ռեզիդենտների և ոչ ռեզիդենտների համար,
գ. մեր կոնտակտային տվյալները և հետադարձ կապը:
Կայքի հիմնական հնարավորություններից է Ձեր ընտրած դոմենային անվանման հաշվեգրման համար ազատ լինելու փաստի ստուգումը և հետագա վճարման կատարումը ARCA համակարգի միջոցով: Այսպիսով, ՀՀ ռեզիդենտները կարող են դոմենային անվանման հաշվեգրում կատարել առանց լքելու իրենց բնակարանն ու աշխատավայրը, իսկ ոչ ռեզիդենտների համար կայքում տեղադրված է հղում, որի միջոցով կարելի է կատարել վճարում աշխարհի ցանկացած անկյունից ցանկացած տիպի քարտով անվտանգ եղանակով: Կայքում գրանցված հաճախորդները հնարավորություն ունեն որոշակիորեն կառավարել իրենց դոմենները:
Մենք անընդհատ աշխատում ենք հաշվեգրման, վճարման համակարգերի և դոմենների կառավարման բարելավման ուղղություններով: Մեր նպատակն է` այդ գործընթացները դարձնել արագ և հարմար: Սա վերաբերում է ինչպես on-line համակարգով հաշվեգրմանը , այնպես էլ մեր աշխատանքին ընկերության գրասենյակում: Այդ պատճառով մենք ներմուծել ենք նոր ծառայություն` դոմենային անվանումների արտագնա հաշվեգրում: Սա նշանակում է, որ մեր աշխատակիցը կարող է անձամբ այցելել Ձեր գրասենյակ կամ տուն` պայմանագիր կնքելու նպատակով: Մենք տրամադրում ենք նաև կայքերի պատրաստման և տեղադրման համար անհրաժեշտ ծառայություններ: Հոսթինգային ծառայության ամբողջական փաթեթը Ձեզ կտրամադրվի մեր հիմնական գործընկերոջ` «Արմինկո» ընկերության կողմից:
Մենք օգնում ենք չմոռանալ Ձեր դոմենային անվանման ժամկետի երկարացման մասին` նախօրոք հիշեցնելով ժամկետի առաջիկա ավարտի մասին. ՀՀ ռեզիդենտները ստանում են նամակ-հիշեցում ինչպես էլեկտրոնային, այնպես էլ ավանդական փոստով` պատվիրված նամակով և ստացման ծանուցմամբ, նաև SMS հաղորդագրություն: Հայաստանի Հանրապետությունից դուրս կիրառվում է միայն Էլեկտրոնային փոստի տարբերակը:
Մեր ընկերությունը տրամադրում է նաև դոմենային անվանումների հաշվեգրման միջնորդ ծառայություններ G-Tld –ում, օրինակ .COM, .NET, .INFO,.ORG, նաև .FM , .TV և այլ տիրույթներում:
